जसपा-नेपाल लहान न.पा वडा नं.–२४ को अधिवेशनबाट नयाँ समिति गठन।

सितल लहान, सिरहा चैत १३– जनता समाजवादी पार्टी (जसपा) नेपाल लहान नगरपालिका वडा नं.–२४ को वडा अधिवेशन भव्य रूपमा सम्पन्न भएको छ। केन्द्रीय सर्कुलरअनुसार वडा अधिवेशनका लागि वडा अध्यक्ष चन्देश्वर साहको अध्यक्षतामा बसेको बैठकबाट ०९ सदस्यीय नयाँ वडा समिति चयन गरिएको छ।

वडा समितिको अध्यक्षमा आशा कुमारी महतो, उपाध्यक्षमा हरेराम शर्मा, सचिवमा लाल बहादुर राय, सह-सचिवमा शियाराम मोची, कोषाध्यक्षमा ललिता राम चयन भएका छन्। त्यस्तै, सदस्यहरूमा राम चलितर दास , शोभा राम, मञ्जु साह, जगरनाथ महतो लगायत अन्य नेताहरू चयन भएका छन्। नगरपालिकाले तोकेको पर्यवेक्षकको रोहबरमा यो समिति गठन गरिएको वडा अध्यक्ष चन्देश्वर साहले जानकारी दिए। यससँगै पुरानो वडा समिति स्वतह बिघटन भएकाे छ।

वडा अधिवेशनमा ६० जना नेता तथा कार्यकर्ताहरूको उपस्थिति रहेको थियो। सो बैठकबाट नगर प्रतिनिधिका लागि ८ जना तथा जिल्ला प्रतिनिधिका लागि २ जना छानिएको छ। अधिवेशन सभ्य र व्यवस्थित रूपमा सम्पन्न भएको सहभागीहरूले बताएका छन्।

अधिवेशनमा सहभागी नेताहरूले जसपा-नेपालको केन्द्रीय, प्रदेश, जिल्ला, क्षेत्र, नगर र वडा तहका सबै अधिवेशनहरूमा सक्रिय सहभागिता जनाउनु आवश्यक रहेको धारणा व्यक्त गरे। नयाँ समितिले पार्टी संगठनलाई अझ सशक्त बनाउने प्रतिबद्धता व्यक्त गर्दै आफ्नो कार्यभार सम्हाल्ने तयारी गरेको छ।