उदयपुरमा प्रतिबन्धित औषधीसहित मानिस पक्राऊ ।।।

जनता खबर , असाेज १० । उदयपुर जिल्लाको चौदण्डीगढी नगरपालिका वडा नं.७ बस्ने बर्ष ५० को बिरेन्द्र कुमार झाले आफ्नै घरमा प्रतिबन्धित औषधी संचय गरी बिक्री बितरण गरी रहेको भन्ने बिशेष सुचनाको आधारमा उनलाई पक्राऊ गरिएको छ ।

ईलाका प्रहरी कार्यालय बेल्टारबाट खटिएको प्रहरी निरीक्षक सहितको टोली र चौदण्डीगढी नगरपालिका स्वास्थ्य शाखाको स्वास्थ्य उप-प्रमुख लक्ष्मी प्रसाद चौधरी समेतको टोलीले घर खानतलासी गर्ने क्रममा उनको घरबाट प्रतिबन्धित औषधीहरु फेला परेको थियो ।

उनको घरबाट प्रतिबंधित औषधिहरु ट्रामाडोल १० बट्टामा ३०२ पत्ता (जम्मा ३०२० ट्याबलेट), स्पासेन ४ बट्टामा २१६ पत्ता (जम्मा २१६० ट्याबलेट), ओपिडोल १५ बट्टामा २१० पत्ता जम्मा २१०० ट्याबलेट) फेला परेको थियो ।

बरामद औषधि सहित पक्राऊ गरिएको झालाई अनुसन्धानको लागी ईलाका प्रहरी कार्यालय बेल्टारमा ल्याएपछि बिरेन्द्र कुमार झाको स्वास्थ्यमा समस्या देखा परेपछि उपचारको लागि आफन्तलाई जिम्मा लगाईएको थियो ।

बरामद औषधि आवश्यक कार्वाहीको लागि औषधी ब्यवस्था विभाग बिराटनगर पठाईएको जिल्ला प्रहरी कार्यालय उदयपुरले जनाएको छ ।