मिति:- २१ चैत्र २०८१, शुक्रबार | Email:- info@jantakhabar.com | marketing@jantakhabar.com | Contact No.:- +977 981-9757097
Uncategorizedउधघाटनमुख्य-समाचारसमाचारस्थानीय खबर

जनकपुरमा ‘मधेश स्वाभिमान दिवस’ मनाउँदै दीप प्रज्वलन कार्यक्रम सम्पन्न।

मधेश प्रदेशको नामाकरणको अवसरमा मनाइने ‘मधेश स्वाभिमान दिवस’ को उपलक्ष्यमा समाजवादी युवा संघ, नेपाल र समाजवादी विद्यार्थी युनियन, नेपालद्वारा दीप प्रज्वलन कार्यक्रम आयोजना गरिएको छ।

सितल साह, सिरहा, माघ ३ ।। मधेश प्रदेशको नामाकरणको अवसरमा मनाइने ‘मधेश स्वाभिमान दिवस’ को उपलक्ष्यमा समाजवादी युवा संघ नेपाल र समाजवादी विद्यार्थी युनियन नेपालद्वारा दीप प्रज्वलन कार्यक्रम आयोजना गरिएको छ। कार्यक्रम जनकपुरको ऐतिहासिक जनक चौकमा भव्य रूपमा सम्पन्न भएको हो।

दीप प्रज्वलन कार्यक्रममा मधेशको स्वाभिमान, पहिचान, र समृद्धिको प्रतीकस्वरूप दीप प्रज्वलन गरिएको थियो। कार्यक्रममा समाजवादी युवा संघका नेताहरू, विद्यार्थीहरू, स्थानीय नागरिक, तथा विभिन्न क्षेत्रका अगुवाहरूको उपस्थिति थियो।

कार्यक्रमका वक्ताहरूले मधेश प्रदेशको नामाकरणलाई पहिचान र स्वाभिमानको महत्वपूर्ण उपलब्धिका रूपमा चित्रण गर्दै आगामी दिनमा मधेशको हकहित र समृद्धिको लागि सबै तह र तप्काबाट योगदान पुर्‍याउन आह्वान गरे।

कार्यक्रमका क्रममा युवाहरूले मधेश प्रदेशको पहिचान, समृद्धि र एकताको लागि संगठित भएर अघि बढ्नुपर्नेमा जोड दिए। ‘जय युवा, जय मधेश’ को नारा गुञ्जिएको जनक चौक सकारात्मक ऊर्जा र उत्साहले भरिएको देखिन्थ्यो।

यस किसिमका कार्यक्रमहरूले मधेशको स्वाभिमान र पहिचानको संरक्षणका साथै युवा पुस्तालाई प्रेरित गर्न महत्वपूर्ण योगदान पुर्‍याउने विश्वास गरिएको छ।

 

Related Articles

Leave a Reply

Your email address will not be published. Required fields are marked *

Back to top button