सिरहाको बरियारपटी नजिकै दशगजामा एक युवकको शव फेला

सिरहा असाेज -८।।  सिरहामा एक युवकको शव फेला परेको छ । बरियारपट्टी गाउँपालिका-३ स्थित नेपाल भारत सीमामा मंगलबार बिहान एक युवकको शव भेटिएको हो ।
प्रहरीका अनुसार, मृतक सुखीपुर नगरपालिका-२ छजनाका राम उदगार यादवका ३२ वर्षीय छोरा भुला यादव रहेकाे बताएका छन।। प्रहरीले शवको मुचुल्का गरी पोस्टमार्टमका लागि सिरहास्थित प्रादेशिक अस्पताल पठाएको छ ।
घटना विषयमा थप अनुसन्धान कार्य भइरहेको सिरहा जिल्ला प्रहरी कार्यालयका प्रवक्ता डीएसपी मुक्तिनाथ सापकोटाले बताए । स्थानीयका अनुसार, उनी सोमबार साँझ घरबाट निस्केका थिए । उनी लागूऔषध सेवन गर्न भारत गएको र लागू औषध अत्यधिक सेवन गरेर फर्किने बेला ओभर डोज भएर मृत्यु भएको हुनसक्ने स्थानीयको अनुमान छ ।

दिनहुँ सयौं युवाहरू भारतिय बजार लदनियामा लागूऔषध खान जान्छ ।लागू पदार्थहरू मद्यपान र धूम्रपान भन्दा हजारौँ गुणा हानिकारक र खतरनाक छ । मद्यपान र धूम्रपानले त बरु केही वर्षमा गएर रोगहरू जन्माउँछन् भने लागू औषध पदार्थहरूले तुरुन्तै असर गर्दछन् । यी पदार्थहरू यति खतराजनक छन् कि २/४ पटक प्रयोग गर्दैमा बानी बसिहाल्दछ । यी पदार्थहरूले रगत र शरीरमा यस्ता असरहरू छाड्छन्, जसको अभावमा सेवनकर्ता सुखमय भएर जिउन सक्दैन । बिगत केही महिना देखि यस्ता क्रियाकलापहरु बढदाे भईरहेकाे हुनाले नेपाल सरकारले तत्काल ध्यान दिनु पर्ने स्थानीयहरु बताउछन।