जसपा नेपालकाे सिरहा जिल्ला स्तरीय विस्तारित बैठक सम्पन्न।।

सितल साह भाद्र १९ , सिरहा।। जनता समाजवादी पार्टी नेपाल (जसपा नेपाल) सिरहा जिल्ला स्तरीय विस्तारित बैठक सिरहामा सम्पन्न भएको छ। बैठकको अध्यक्षता जिल्ला अध्यक्ष अशोक यादवले गरे भने प्रमुख आतिथिका रूपमा केन्द्रिय उपाध्यक्ष मा. राजकिशोर यादव, केन्द्रिय महासचिव रामकुमार शर्मा, र केन्द्रिय सचिव शुरेस कुमार मण्डल उपस्थित थिए। विशिष्ट आतिथिका रूपमा केन्द्रीय कार्यकारिणी सदस्य राज कुमार गुप्ता (राजु) केन्द्रीय सदस्य ललिता दास बिद्रोही लगायतका बिशिस्ट ब्यक्तिहरुले सहभागिता जनाए थिए।

बैठकमा, “बृहत संगठन निर्माण अभियान” भन्ने मूलनाराका साथ नेता राजकिशोर यादवले पार्टीका सम्पूर्ण नेता र कार्यकर्तालाई अभियानमा लाग्नको लागि आग्रह गर्नु भएको थियो। यस कार्यक्रममा जसपा नेपालका निर्बाचित पालिका अध्यक्ष र उपाध्यक्ष, वडा अध्यक्ष र सदस्यहरू, तथा पार्टीका जिल्ला पदाधिकारीहरू पनि उपस्थित थिए।

बैठकले ४ वटै क्षेत्रीय भेलाको कार्यक्रम तय गर्ने निर्णय गरेको छ। क्षेत्रीय भेलाले १७ पालिकाको कार्यसूची निर्धारण गर्नेछ।यसरी, जिल्ला समितिको बैठकले आगामी कार्यक्रम र योजनाबारे स्पष्ट दिशा निर्देश गर्दै पार्टीको संगठन सुदृढीकरणमा महत्वपूर्ण कदम चालेको छ।