स्ववियु निर्वाचन चैत ५ गते: संयुक्त चारदलीय गठबन्धनका उम्मेदवारलाई विजयी गराऔं—समाजवादी विद्यार्थी संगठन सिरहा

सितल साह , लहान , सिरहा ,चैत ०३।जे.एस. मुरारका बहुमुखी क्याम्पस, लहानमा चैत ५ गते हुने स्ववियु निर्वाचन नजिकिँदै गर्दा विद्यार्थी संगठनहरू चुनावी प्रचारमा तीव्र सक्रिय भएका छन्। यसैक्रममा जसपा निकट समाजवादी विद्यार्थी संगठन, सिरहा नेपालले लोकतान्त्रिक तथा परिवर्तनकारी चारदलीय गठबन्धन (जनमत, जसपा नेपाल, माओवादी केन्द्र, नेकपा एस) को संयुक्त प्यानललाई अत्यधिक मतले विजयी गराउन सम्पूर्ण विद्यार्थीलाई आह्वान गरेको छ।

गठबन्धन प्यानल अन्तर्गत उम्मेदवारहरूको विवरण यसप्रकार छ:

• ललित कुमार यादव – सभापति
• जिवछ ठाकुर – सचिव
• भोगिन्द्र शर्मा – कोषाध्यक्ष
• गणेश यादव – सदस्य
• प्रदिप साह – सदस्य
• आरती मुखियाँ – सदस्य
• अविन्द सदाय – सदस्य
• राजेश कुमार यादव – सदस्य
• संतोषी कुमारी यादव – सदस्य
• बबिता कुमारी कामैत – सदस्य

चार प्रमुख विद्यार्थी संगठन — विद्यार्थी जनमत संघ, समाजवादी विद्यार्थी युनियन नेपाल, अखिल क्रान्तिकारी, अनेरास्ववियु (एस) — को संयुक्त समर्थनमा गठबन्धन प्यानल चुनावी मैदानमा उत्रिएको छ।

संगठनले जारी गरेको अपिलमा भनिएको छ, “परिवर्तनको सुरुवात आफैबाट, आजबाटै गरौं।” विद्यार्थीका हकहितको संरक्षण, गुणस्तरीय तथा व्यवहारिक शिक्षा, क्याम्पस पूर्वाधारको विकास, पारदर्शिता र सुशासनको प्रत्याभूति गर्दै सांस्कृतिक तथा खेलकुद गतिविधिको प्रवर्द्धनमा गठबन्धन प्रतिबद्ध रहेको छ।

वर्तमान शिक्षा प्रणालीमा सुधार, विद्यार्थीमैत्री वातावरण निर्माण, र निष्पक्ष क्याम्पस प्रशासन स्थापनाको लक्ष्यसहित गठबन्धनले चुनावी अभियान अघि बढाएको जनाइएको छ।

यसैबीच, क्याम्पस प्रशासनले निर्वाचनलाई भयरहित, स्वच्छ र निष्पक्ष बनाउन आवश्यक तयारी तीव्र बनाएको छ। विद्यार्थीबीच चुनावी माहोल तात्दै गइरहेको छ भने गठबन्धनले निष्पक्ष मतदान सुनिश्चित गर्न सबै विद्यार्थीमा सचेतना फैलाउँदै अत्यधिक बहुमतले आफ्नो प्यानललाई विजयी गराउने दृढता व्यक्त गरेको छ।