बिरामीको सेवामा वाडा अध्यक्ष ओम यादव ।।।
सिरहाको धनगढीमाईका जनप्रतिनिधिहरुको सक्रियतामा आम जनताको स्वास्थ्य अन्तर्गत आँखाको ज्योति फर्काउने एतिहासिक कार्य सम्पन्न गरिएको छ ।
विनोद मण्डल,फाल्गुन ४ । सिरहाको धनगढीमाईका जनप्रतिनिधिहरुको सक्रियतामा आम जनताको स्वास्थ्य अन्तर्गत आँखाको ज्योति फर्काउने एतिहासिक कार्य सम्पन्न गरिएको छ ।
तिलगंगा आँखा प्रतिष्ठान र धनगढीमाई नगरपालिकाको सहकार्यमा गत माघ २५ गतेदेखि नगरको १ देखि १४ वाडासम्म समुदाय स्तरमा संचालित आँखा शिविरबाट स्क्रिनिङ गरी पत्ता लगाएका ५३५ मोतिया बिन्दुको बिरामीमध्ये ५२४ जनाको सफल अप्रेशन गरिएको छ ।
अप्रेशन गरिएका बिरामीलाई वाडा अध्यक्ष ओम यादव नगरको प्रसासनिक भवनको प्रागणमा पुगेर आफैले पटक पटक आँखामा औषधी राखेर मानविय सेवा प्रदान गर्नु भएको छ ।
संक्षिप्त कुराकानीमा वाडा अध्यक्ष ओम यादवले ” आफूलाई जनताले सेवाको निम्ति निर्वाचित गराउनु भएकोले यो एतिहासिक घडीमा बिरामीसँग बस्न पाउँदा अत्यन्त खुशी ,” लागेको बताउनु भएको छ ।
संचालित आँखा अप्रेशन शिविरमा नियमित रूपमा आफ्नो अमूल्य योगदान गर्दै आएका वाडा ओम यादव नियमित आम जनताको खुशीमा लागिरहनु भएको छ ।
