जनकपुरधाम उपमहानगरपालिकाले तीन दिनभत्र जथाभावी कब्जा गरिएको फुटपाथ तथा सडक पेटी खाली गर्न आग्रह

जनता खबर, साउन ६, जनकपुरधाम उपमहानगरपालिकाले तीन दिनभत्र जथाभावी कब्जा गरिएको फुटपाथ तथा सडक पेटी खाली गर्न आग्रह गरेको छ ।

विहीबार जनकपुरधाम उपमहानगरपालिकाले फुटपाथमा हुने अव्यवस्थित व्यवसाय बन्द गर्न अनुरोध गरेको छ । जनप्रतिनिधि र प्रहरीसहितको टिमले संयुक्त रुपमा बजार घुमी स्थानीय सर्वसाधारण र व्यवासयीलाई सो अनुरोध गरेका छन् ।

साथै जथाभावी फोहर पनि नफाल्न नगरबासीलाई सचेत गराइएको छ । जथाभावी पान र गुट्खा खाएर नथुक्न पनि पालिकाले सूचना जारी गरेको छ ।

सडकमै गरिने अव्यवस्थित पार्किङ, नगरलाई हराभरा बनाउन र धार्मिक पर्यटकलाई आकर्षण गर्न सबैले आफ्नो आफ्नो दायित्व पुरा गर्न पालिकाले अनुरोध गरेको छ ।