सामाचार संकलनकाे अवरोध प्रति महासंघको ध्यानाकर्षण ।।।
सिराहा जिल्लाको विभिन्न ठाउँहरूमा भु माफिया र विभिन्न क्रसर उद्योग सञ्चालकले प्रशासनलाई चुनौती दिँदै उत्खनन जारी राखेको स्थानहरूको सामाचार बाहिर ल्याउन जरुरी रहेको देखिन्छ
विनोद मण्डल,माघ २९ । सिराहा जिल्लाको विभिन्न ठाउँहरूमा भु माफिया र विभिन्न क्रसर उद्योग सञ्चालकले प्रशासनलाई चुनौती दिँदै उत्खनन जारी राखेको स्थानहरूको सामाचार बाहिर ल्याउन जरुरी रहेको देखिन्छ ।
सिराहा जिल्लाको विभिन्न पालिका अन्तर्गत गोलबजार, धनगढी र लाहान लगायतको क्षेत्रमा उत्खनन जारीको अवस्था रहेको देखिन्छ ।
लुकी छिपी र स्थानिय प्रशासनको मिलेमतोमा कतिपय ठाउँहरूमा यतिबेला पनि उत्खनन जारी रहेको पाईन्छ ।
जिल्ला प्रहरी कार्यालय सिरहा ,जिल्ला प्रशासन कार्यालय सिरहा र जिल्ला सम्वन्य समिति सिरहालाई चुनौती दिँदै लहानको खुट्टी खोलामा उत्खनन जारी रहेको सामाचार संकलन गर्न गएका पत्रकारहरुलाई सामाचार संकलनमा अवरोध गरिएको छ ।
गत माघ २४ गते बेलुका स्थानिय लाहान १५ स्थित खुट्टी खोलाबाट उत्खनन जारी रहेको सामाचार संकलन गर्न उक्त ठाउँमा पुगेका पत्रकारद्धय विनय यादव र सुरेश रायलाई चाइना कम्पनीका प्राविधिक सहितको समुहले फोटो ,भिडियो खिच्न रोकेको घटनाप्रति नेपाल पत्रकार महासंघ सिराहा शाखाले घटनाको निन्दा गरेको छ ।
सामाचार संकलनमा अवरोध गर्ने तत्वको पहिचान गरी कानुनी कारवाहीको माग गर्दै नेपाल पत्रकार महासंघ सिराहा शाखाका अध्यक्ष मनोज बनैताद्वारा हस्ताक्षरित विज्ञप्ती जारी गरिएको छ ।
