मिर्चैयामा भूमि विधेयक विरुद्ध जसपा नेपालको आन्दोलन, कोणसभामा उल्लेखनीय सहभागिता
सितल साह , सिरहा, ०८२ भदाै १५ ।।
सिरहा क्षेत्र नं. ४ अन्तर्गत मिर्चैया केन्द्रमा भूमि विधेयकको विरुद्धमा जसपा नेपालद्वारा आयोजना गरिएको विरोध कार्यक्रम सम्पन्न भएको छ। जिल्ला कोषाध्यक्ष लक्ष्मी श्रेष्ठको अध्यक्षतामा नगर परिक्रमा गरिएको उक्त विरोध आन्दोलन अन्ततः मिर्चैया बजारमा कोण सभामा परिणत भएको थियो।
कोण सभामा जसपा नेपालका केन्द्रिय सचिव सुरेश मण्डल प्रमुख वक्ताका रुपमा उपस्थित भई भूमि विधेयक जनविरोधी भएको भन्दै कडा आपत्ति जनाए। उहाँले सरकारद्वारा ल्याइएको विधेयक किसान र आम सर्वसाधारणको हितविपरीत रहेको भन्दै यसलाई फिर्ता लिन माग गर्नुभयो।
त्यसैगरी, स्थानिय नेता तथा कार्यकर्ताहरुले पनि आफ्नो विचार राख्दै यस विधेयकले जनतालाई भूमिहीन बनाउने खतरा रहेको, किसानको हक अधिकार खोस्ने कार्य भइरहेको भन्दै आन्दोलनलाई निरन्तरता दिनुपर्नेमा जोड दिए।
कार्यक्रममा स्थानीय स्तरका नेता, कार्यकर्ता तथा सर्वसाधारणको उल्लेखनीय उपस्थिति रहेको थियो। कोणसभामा सहभागीहरुले नाराबाजी गर्दै विधेयक तत्काल फिर्ता गर्न सरकारलाई दवाव दिएका थिए।
